三寶勝上海美食

Open Now

Now Closed

今日食咗呢間上海小館，味道唔錯，特別鍾意呢種懷舊味道。先來個小籠包，皮薄餡靚，不過塊皮真係好薄，好易穿，夾嘅時候真係要好小心。上海粗炒味道偏甜，又唔會炒得好油。叫咗條蒸銀絲卷，點埋煉奶好正。又叫咗一碗上海排骨擔擔麵，個排骨幾好食，炸得幾香，又係唔多油，碗麵個擔擔醬都幾正，花生醬同麻醬都好香。另外炒咗碟蒜蓉菜心，熱辣辣幾好食。甜品就叫咗豆沙窩餅冇叫高力豆沙，個豆沙窩餅份量都幾多，入面好多豆沙，好正。呢度嘅豆漿都幾好飲，都幾有豆味。