Ann Mamma Thai kitchen by 張秀玲

Open Now

Now Closed

今日約咗個好耐冇見嘅朋友一齊食好西，咁就揀咗呢間高人氣嘅泰國菜館，唔想排隊今日就十一點幾就已經去到門口，其實都已經見到有幾個人喺度排緊隊，一開門我哋就入去上咗二樓，無幾耐已經無空位，要等位了。睇咗餐牌之後，叫咗個2個午餐，黃咖哩牛腩飯同豬泰式燒豬頸肉飯，額外仲叫咗兩個串燒小食。泰式豬頸肉飯豬頸肉外皮燒得好香，裏面仲有一啲肉汁，唔會好乾好柴，而佢配咗個酸酸地嘅辣汁夾埋一齊好好食，可以減輕豬頸肉嘅油膩。黃咖哩牛腩飯黃咖哩唔算太辣，有好香嘅椰奶味，牛腩食落去唔會太韌配埋個白飯剛剛好。雞肉豬肉串燒串燒亦都燒得剛剛好，肉唔會燒到太乾，裏面仲保留有夠嘅肉汁，個沙嗲醬好重花生味，配串燒一齊食，啱啱好，一流。