鮨政

Open Now

Now Closed

上環呢間鮨政好出色，仲未去到日本黎呢度食絕對可以解思鄉之愁呀🥲呢個五點刺身拼盤好正，每款刺身都係日本即日直送，夠晒新鮮🤤三文魚，油甘魚呢啲雖然唔係腩位，但都好肥美好嫩，帶子又好鮮甜，生蝦又好爽脆，超正！另外日本傳統小食既清酒煮蜆都好好食，好香清酒味，蜆肉大隻爽甜，清酒煮完好香，美味可口😋日本另一名物鰻魚飯都好正，鰻魚厚肉肥美，燒汁好香，焦香既鰻魚真係好好味🍱壽司方面有好特別既喜之次壽司🍣通常喜之次都係燒魚，第一次食生既喜之次壽司，好鮮味好濃魚味，又唔會腥，好正呀！呢度既八爪魚蕃茄沙律都好特別，八爪魚好爽脆，配合沙律黎食酸酸地又多菜，好健康呀😝