Video
Read full review
2021-12-17
974 views
慶祝結婚一週年於是一早book咗呢度。聽講係全港最好味扒房。我個人好中意食牛扒但口味同大眾可能唔同：1. 我唔食得太生，通常叫七成medium well。2. 我中意食物有一定調味，牛排最好有鹽，有黑胡椒等。唔太中意0調味，會覺得好淡又唔夠香。因此其實我有少少驚呢度會唔符合我口味，但最終晚餐過後覺得依然回味。下次一定會encore。菜式基本上按openrice熱門叫，蒜香法包（free）法包鬆脆有韌性 好食 據稱可以refill但我忘記咗。。Maryland Crab cakes 蟹餅好多人推介便試下。可能期望值太高，試過覺得就ok。啖啖蟹肉。不過不失。lobster bisque 龍蝦湯叫咗一份龍蝦湯，店員貼心詢問是否分兩碗上，於是圖片係1/2分量。正常龍蝦湯味，唔錯。但比起Landmark cafe嘅龍蝦湯要遜色。US Prime Rib Eye 20oz to share 七成熟如上所述我叫咗medium well。一上黎即刻聞到好香嘅牛扒味。瞬間覺得好期待！對於唔中意食生嘅我黎講，牛扒咁樣嘅狀態係好好嘅。外邊有部分燒到有d脆，牛油味出嗮嚟。入面無血水，牛肉彈牙。重點係真係好香好
聽講係全港最好味扒房。我個人好中意食牛扒但口味同大眾可能唔同：
1. 我唔食得太生，通常叫七成medium well。
2. 我中意食物有一定調味，牛排最好有鹽，有黑胡椒等。唔太中意0調味，會覺得好淡又唔夠香。
因此其實我有少少驚呢度會唔符合我口味，但最終晚餐過後覺得依然回味。下次一定會encore。
菜式基本上按openrice熱門叫，
蒜香法包（free）
蒜蓉包
14 views
0 likes
0 comments
法包鬆脆有韌性 好食 據稱可以refill但我忘記咗。。
Maryland Crab cakes 蟹餅
Maryland crab cake
15 views
0 likes
0 comments
好多人推介便試下。可能期望值太高，試過覺得就ok。啖啖蟹肉。不過不失。
lobster bisque 龍蝦湯
叫咗一份龍蝦湯，店員貼心詢問是否分兩碗上，於是圖片係1/2分量。正常龍蝦湯味，唔錯。但比起Landmark cafe嘅龍蝦湯要遜色。
US Prime Rib Eye 20oz to share 七成熟
US prime rib eye (to share)
$1090
49 views
0 likes
0 comments
如上所述我叫咗medium well。一上黎即刻聞到好香嘅牛扒味。瞬間覺得好期待！對於唔中意食生嘅我黎講，牛扒咁樣嘅狀態係好好嘅。外邊有部分燒到有d脆，牛油味出嗮嚟。入面無血水，牛肉彈牙。重點係真係好香好夠味，本身有落鹽所以味道啱啱好，食完一塊嘴裡牛肉香久久不散。surprise！醬汁我叫咗紅酒汁同最後一個唔識嘅醬（字典話類似wasabi）。通常我中意點黑椒汁，不過呢個紅酒汁都有類似味道非常夾。另一個醬汁麻麻地，好似沙拉醬多d，點牛扒好似好奇怪。
最終兩人輕鬆食嗮，食完我想即刻再encore 😂
Grilled Canadian lobster
grilled Canadian lobster
25 views
0 likes
0 comments
叫咗半隻龍蝦。我係龍蝦fans。牛扒配龍蝦簡直人生一大幸事。龍蝦肉好彈牙。調味ok。不過我仲回味緊個牛扒。。
Side - Sweet potato fries
Sweet potato fries
$90
16 views
0 likes
0 comments
地瓜薯條。唔點醬反而仲好食。完全可以食到地瓜香甜味。
Apple crumble
Apple crumble
38 views
0 likes
0 comments
其實我唔中意食蘋果醬類嘅嘢。麥記蘋果派對我嚟講都係黑洞。不過見到好多人推介呢個我便試下。以前從來未試過apple crumble。老公話佢以前喺英國成日食（好多回憶）。食咗個pie其實我無咩feel，但係個雪糕，omg，omg，簡直太好食！！因為soft Icecream，上到嚟加埋影相。已經融融哋，但牛奶香甜味極濃！超級好食，係屬於想買返一大桶返屋企夏天日日捧住食果种！見到好似其他甜品都會搭配呢個雪糕，下次我會再試試其他甜品！
另外非常驚喜我留位時有留言係wedding anniversary。餐廳就主動係甜品度寫咗朱古力牌並且主動幫我哋影相。用完我相機後，店員問可唔可以用佢相機再影，我同老公兩人覺得好奇怪，呢個做咩？餐廳留念？貼客人相上墻？照完兩張我哋就無留意。跟住五分鐘後店員送上手寫卡片同洗出來嘅相片送俾我哋！！！超級感動！呢個service值得加100分。非常有誠意。（如果相機可以再upgrade下就更好喇 😆）我會好好珍藏第一個anniversary相片 ☺️
ps店內燈光昏暗，大部分座位其實無咩分別唔覺有咩view，比較簡約。有一顆聖誕樹🎄，影相都好靚。☺️總之係非常開心嘅一餐。下次一定會再嚟。
Post
