有緣小敍

Open Now

Now Closed

中環返工嘅朋友，如果想簡簡單單食個午餐， 都會行過嚟和安里，因為呢度由街頭到街尾都有價格平實嘅餐廳。今日我選擇咗有緣小敘。呢度最出名係“biang biang麵”。 牆上好多剪報都有介紹。佢係一種闊身同扁身嘅麵，比河粉更闊同埋更實淨，成條過冇剪斷嘅。隻麵有湯麵同撈麵兩種食法，之前食過湯麵都唔錯，但而家天氣太熱，就覺得唔太適合，所以今日選擇撈麵。來到嘅時候麵身係凍嘅，但係上面有熱辣辣嘅芹菜餃。我即刻將醬料同碗麵撈勻， 唔使攤凍就可以食。麵身偏硬，而且我叫嘅小辣容易入口。相比起周圍都有嘅車仔麵，biang biang麵特別好多。平均消費大約50蚊，係一個抵食嘅午餐。