大山日本料理

Open Now

Now Closed

大山日本料理位於兆萬對面，呢度出名多美食多選擇～地點又方便，喺香港嘅中間點約咩朋友都就腳🤩今次試咗幾款刺身同埋壽司，帶子壽司好肥美好fresh，食落好新鮮鮮甜！食刺身食材好緊要，因為已經冇咩廚藝需要，最緊要係餐廳選材好，性價比高😋如果鍾意食刺身，一定要試吓呢間餐廳嘅刺身盛(松)，裏面有多款刺身，款款出色！赤蝦大大隻，又有蝦味，最正係仲有海膽，包住紫菜食唔會覺得漏，多多都食到，仲有種好特別嘅海水味，食到欲罷不能😍其他三文魚腩、吞拿魚等都好肥美，魚油味超甘香，食完刺身唔夠飽再食啲蟹籽軍艦就啱啱好，加埋一個人食咗$400內就有大大盤刺身同海膽等，對自己好啲今晚約埋三五知己嚟大山日本料理食餐好嘅啦😉