羲和小館 (Closed)

中意食片皮鴨同埋中菜,所以選了呢間店。叫左個2人晚餐,勁多野食。晚餐有半套片皮鴨、黃扒魚肚湯兩盅、上海燻魚、海膽金沙豆腐、鮑魚雞粒燜飯、楊枝甘露兩碗。片皮鴨既食法有幾隻,配料種類有好多,試左藍莓醬同埋mustard,都係中意甜醬多d,但朋友就中意新潮既食法。呢個盒就滿足到我地唔同既需要啦!黃扒魚肚係日本南瓜加廿八頭花膠煮成,好飲又養顏。上海燻魚帶有咸香、又有d鮮甜、仲有魚乾既香,食完好回味。海膽金沙豆腐既色澤好靚,豆腐既淡令到個味好突出,好岩送白飯,但我地已有好多野食,就冇再叫白飯。鮑魚雞粒燜飯個香,成個飯都係鮑汁既味,食到停唔到口。楊枝甘露味道唔錯,有d芒果肉,食到椰汁味。中意呢個2人餐有好多款式可以任選,下次來會想試下其他菜式。抵食過單點。