日月樓

Open Now

Now Closed

全新懷舊京菜館日月樓喺船記舊址重開，主打老特色京菜，由前美利堅京菜主廚主理，大家依家就可以回味返昔日老京菜味道啦～ 📍北京填鴨 $468/隻餐廳選用北京白羽鴨，鴨肉外皮酥脆鬆化肉質鮮嫩。食既時候加埋各種醬料同薄餅皮，完全係令人難以抗拒呀📍干炒牛肉絲 $198 +叉子燒餅$62/3隻除咗主角片皮鴨之後我覺得最好食嘅就係呢味菜～牛肉絲炒得乾身完全無油膩感加口甜甜地加上新鮮燒製既叉子火燒餅，表面灑有芝麻，麵餅軟硬適中，再夾埋牛肉絲黎食，每一口都係滿足📍高力鳳尾蝦 $108/隻高力係北京/東北既一種烹調法，意即師傅將外層蛋白打到好fluffy(即大家平時食高力豆沙個外層既質地咁) 加埋大隻鳳尾蝦加埋甜酸醬黎食，味道香口惹味📍鹽爆管廷 $338管廷其實係豬既喉管，鹽爆即係用京蔥爆香入口口感爽脆其實好似食緊雞軟骨咁，完全無內臟既味道📍紅燒蝦子海參 $688海參經過紅燒口感厚實軟糯加上鹹鮮手工製蝦籽風味十足除咗幾款主菜，我地再叫咗3款前菜 ，當中山東燒雞係我最推薦📍山東燒雞 $288選用本地三黃雞，以先炸後蒸方式鎖住肉汁保持雞肉鮮嫩，再原隻雞起肉，手撕雞肉皮薄味濃，最緊要係搭配靈魂蒜汁，進一步提鮮。