S2 鐵板燒 (Closed)

呢排約人出嚟食飯都好難，約咗好幾次都約唔成。最後以鐵板燒嘅誘惑，先終於約齊人。大家都好耐無見，一見面都係好多嘢講。難得出嚟食飯，實要食餐好啦！好多餐廳宜家都有做緊優惠，我當然唔執輸，都要揀一間有折嘅！優惠後嘅價錢都幾抵食。我地一共4個人，大家都揀咗牛肉北海道二本蟹爪 1人前。包括刺身、西京醬煮銀雪魚、北海道二本蟹爪、芝士流心和牛漢堡扒、澳洲薄燒牛肉、炒飯和紙包花膠蜆湯。我最鐘意係芝士流心和牛漢堡扒，肉質好嫩，配上芝士流心，好滿足。二本蟹爪都幾好，鮮味十足，食到回味無窮。