喜萬年酒樓

Open Now

Now Closed

過左嚟灣仔之後，如果飲茶我地通常都鍾意去大榮華,但大榮華裝修，我地就失左方向。 經過英皇，我地見到一間喜萬年就去book位。之後見到openrice見到啲點心都幾貴吓，所以有啲驚驚。 我地叫的全部都係點心，好多點心都大大件，雖然係三十幾蚊一碟點心都唔係好貴。 煎韮菜餃，有三大件，每件切三份，9個人食，都夠咬口，不過就唔係好夠韮菜味,皮好夠薄，煎得都夠香。 椒鹽九肚魚，個炸漿炸得好靚，金黃色，剛剛好，炸漿皮 薄之餘，仲有鬆化感。九肚魚夠脹卜卜，很新鮮。 我最鍾意既係奶皇芝麻球, 啲奶皇有啲流沙，溶溶地，有香蛋黃味不特止，個煎堆味有黑白芝麻舖滿成個球都好香，食完很開心。 其實一班人中，一個唔食得牛，一個唔食得蝦，一個唔食豬，一個唔食奶皇一個對海鮮有敏感，大圍人食飯點菜有點難，飲茶就好了，每樣少少，一籠三四件，多啲唔同款，容易啲就唔同人既需要，開開心心咁共衆午餐。