Pascucci (Closed)

今日老細請食lunch，成個team去左office下面一間主要食薄餅嘅餐廳開餐。餐廳雖然唔算大，但佢係全楝大廈唯一一個額外有露天用餐區嘅餐廳，感覺開揚，所以我哋都揀左到出面坐。話明老細請，當然要食七咁食啦！我哋真係叫左七樣嘢食，包括三個薄餅，三個飯麵同一個小食拼盤。因為有同事食素嘅關係，我哋有兩個薄餅都係素食款，包括double parmesan cheese 同雜菜兩款，另一個就係 parma ham cheese pizza。依道嘅批底只有薄批可以揀，不過有成三個pizza六個人分都真係幾飽吓。三隻之中我最鍾意parma ham，煙火腿好夠味，連埋濃芝士食，yummy!! 素食pizza都唔錯，食落似平時食開嘅墨西哥夾餅，芝士夾雜著唔同嘅蔬菜嚟食，起碼令女士們食起上嚟冇咁guilty。麵食有肉醬千層麵同辣汁長通粉，前者食落juicy ，肉醬足料有層次，後者香口但不算太辣，屬醒胃之選 。另外有西班牙焗飯，飯本身屬少少硬身，對一向鍾意食“軟飯”嘅我嚟講，唔太吸引。至於拼盤，相信係最受大家歡迎嘅一道餸，有雞翼同薯條，雞翼炸得唔錯，配埋特別醬汁食就最好味，薯條份量都好多吓，可能我哋實在叫