Video
Read full review
2015-11-17
3482 views
打邊爐大家打得多，不過响餐廳裡面有埋街市，有得睇住揀黎點菜真係第一次見。大家唔新鮮唔揀，完全切合《鮮入圍煮》嘅主題。餐廳裝修充滿老香港情懷，牆上面寫有仿九龍皇帝曾灶財嘅字體，甚有香港歷史色彩。而且餐廳裏面嘅街市佈置亦相當認真。肉檔，魚檔仿真度相當高。上至吊燈，下至帆布都一絲不苟。打邊爐又點少得湯底，今次揀咗濃厚原隻雞花膠煲(細)，$238,價錢雖然唔係平，但物超所值。湯頭十分濃郁，色澤金黃。店員介紹先品嚐雞湯，飲完湯先加入上湯打邊爐。果然不出所料，雞湯十分鮮甜，濃郁，咸味亦適中。而且湯料亦相當豐富，有半隻雞以及好多好多花膠。個人食法係一路飲湯，一路品嚐雞肉，皆因雞肉十分嫩滑，如果煲耐咗變得粗糙，就浪費咗隻雞。一煲湯大概可以分到十碗湯，足夠俾四個人分享。推薦花膠墨魚丸，$88半打，好大粒，而且爽口彈牙。裏面有花膠碎，非常滋潤養顏。第二樣推介係魚旦皮小籠包，$28/4粒，就如名一樣，魚旦包住小籠包中嘅豬肉餡，用黎打邊爐，都幾特別。
再黎白鱔片，每份$98，鱔片都幾大份，食落無骨，唔及脆鯇爽脆，但都幾彈牙。仲有唔少得嘅肥牛，美國肥牛$68,手切本牛肉$268。兩者各有優點，前者價格相而，肥
上至吊燈，下至帆布都一絲不苟。
打邊爐又點少得湯底，今次揀咗濃厚原隻雞花膠煲(細)，$238,價錢雖然唔係平，但物超所值。湯頭十分濃郁，色澤金黃。店員介紹先品嚐雞湯，飲完湯先加入上湯打邊爐。果然不出所料，雞湯十分鮮甜，濃郁，咸味亦適中。而且湯料亦相當豐富，有半隻雞以及好多好多花膠。個人食法係一路飲湯，一路品嚐雞肉，皆因雞肉十分嫩滑，如果煲耐咗變得粗糙，就浪費咗隻雞。一煲湯大概可以分到十碗湯，足夠俾四個人分享。
推薦花膠墨魚丸，$88半打，好大粒，而且爽口彈牙。裏面有花膠碎，非常滋潤養顏。
第二樣推介係魚旦皮小籠包，$28/4粒，就如名一樣，魚旦包住小籠包中嘅豬肉餡，用黎打邊爐，都幾特別。
再黎白鱔片，每份$98，鱔片都幾大份，食落無骨，唔及脆鯇爽脆，但都幾彈牙。
仲有唔少得嘅肥牛，美國肥牛$68,手切本牛肉$268。兩者各有優點，前者價格相而，肥瘦平均。後者牛肉味濃，肉質嫩滑。
由於係星期五晚市，所以吃完都唔能夠坐到打烊。眼見樓梯間等侯嘅人，心想好彩有打電話book位。有機會必定會試埋期間限定蟹粉湯底，大閘蟹迷豈能錯過？！
Post
