黃金茶寮點心專門店 (Closed)

我昨天食午飯時間 ，在新蒲崗行過超過十間食肆， 每一間都爆曬棚 ，有些還在門口等了十多廿人 ，但行到黃金茶寮的門口 ，裏面只有兩三台客 ，大概是五分一的入座率 ，因為當時我已行了很多間 ，傳統智慧話我聽 ，個個爆棚佢有咁多吉位一定有問題 ，但係我唔想再等所以入去坐低叫茶 ，初初只係發覺地方很窄 ，和沒有茶壺給茶 ，只有一個不鏽鋼茶壺 ，但原來他最後都是要收茶位的 ，但係最大問題是我叫了點心之後 ，才發覺原來點心份量極之少 ，腸粉用一個長碟裝只係得幾嚿 ，個點心拼盤更加唔洗講 ，少到嚇死人，好心佢畀兩個叉燒包我都感覺好點， 最後食完之後 ，都是要再光顧街邊小食 ，但在新蒲崗如此份量的食物 ， 味道又不是有什麼特別 ，要收七十多元 ，下次我絕對唔會再去。