好到底麵家

Open Now

Now Closed

每年過農曆新年，我都會行大運去元朗嘅好到底麵家食碗雲吞麵，取其好到底意頭。由十幾年前細細個由爸爸媽媽帶我搭巴士去食，直到我而家揸住車同老婆去食。不過近兩三年，好到底嘅雲吞麵嘅品質好似差了，鴨蛋麵冇咗應有嘅彈性同埋香味，連湯底都由以前真材實料嘅濃湯變成而家嘅味精湯。大地魚味還在，不過冇咗鮮味，感覺上跟一般十二蚊碗嘅街邊雲吞麵冇乜分別。睇下個餐牌，發現已經加價到廿五蚊一碗。價錢照加，品質相反咁不斷下降。今年發現佢哋換咗電子化落單，點知比起之前人手落單需時更耐，喺唔駛等位嘅情況下，叫一碗雲吞麵竟然要等十分鐘左右，令人感到失落。見到好到底麵家而家搞成咁，就令我有之前睇到澳洲牛奶公司嘅黃昏嘅文章。如不好好改善，只識加價，不保持食物質素，咁樣會流失大量食客。