Video
Read full review
2022-11-19
125 views
疫情之下，好多朋友都見唔到，乘情況好轉，就約番出嚟相聚。為咗方便大家，選址旺角，貪佢就腳。呢間部屋咖啡室從來未嚟過，但係睇到OpenRice上佢嘅評分幾好，環境適合三五知己傾偈，最緊要係唔會趕人走，所以就決定喺呢度聚會。因為對旺角唔熟悉，搵咗一輪至睇到個入口。呢幢樓其實都有幾多食肆，排隊搭lift上樓嘅人十分之多，我等咗成五分幾鐘先至入到個電梯。到達之後發覺我係第一個到嘅，對正電梯口嘅餐廳位置已經滿座，仲諗住唔通要等位？好在掃咗安心出行之後，侍應就帶我去另外一間房坐，冇幾耐啲朋友就上晒嚟喇。等朋友嘅時候我就睇咗個餐牌，因為今晚大家都係志在傾偈敘舊，所以人一齊就決定要個四人套餐。套餐$698可以選擇一個14吋嘅Pizza，一個沙律，兩份主食同埋四杯餐飲。我哋加咗25蚊要個越式炸蟹餅，另外又使多少少錢upgrade咗飲品。先上嘅喺Caesar salad，份量唔算多，味道還可以，但係如果醬汁俾多啲會更好。跟住上嘅係越式炸蟹餅，一份有六件，跟埋一碟泰式甜醬。蟹餅約麥樂雞咁上下大細，炸到金黃色，都幾香口好食，可惜一時之間唔記得影返張靚相😝。主食有意式辣肉腸意粉同埋黑松露雜菇意大利飯。我個人對意
呢間部屋咖啡室從來未嚟過，但係睇到OpenRice上佢嘅評分幾好，環境適合三五知己傾偈，最緊要係唔會趕人走，所以就決定喺呢度聚會。
因為對旺角唔熟悉，搵咗一輪至睇到個入口。呢幢樓其實都有幾多食肆，排隊搭lift上樓嘅人十分之多，我等咗成五分幾鐘先至入到個電梯。到達之後發覺我係第一個到嘅，對正電梯口嘅餐廳位置已經滿座，仲諗住唔通要等位？好在掃咗安心出行之後，侍應就帶我去另外一間房坐，冇幾耐啲朋友就上晒嚟喇。
等朋友嘅時候我就睇咗個餐牌，因為今晚大家都係志在傾偈敘舊，所以人一齊就決定要個四人套餐。套餐$698可以選擇一個14吋嘅Pizza，一個沙律，兩份主食同埋四杯餐飲。我哋加咗25蚊要個越式炸蟹餅，另外又使多少少錢upgrade咗飲品。
先上嘅喺Caesar salad，份量唔算多，味道還可以，但係如果醬汁俾多啲會更好。
凱撒沙律
6 views
0 likes
0 comments
跟住上嘅係越式炸蟹餅，一份有六件，跟埋一碟泰式甜醬。蟹餅約麥樂雞咁上下大細，炸到金黃色，都幾香口好食，可惜一時之間唔記得影返張靚相😝。
主食有意式辣肉腸意粉同埋黑松露雜菇意大利飯。我個人對意大利飯一向冇乜興趣，所以只係食咗一啖，都叫做食到啲黑松露味。至於個辣肉腸意粉，我就覺得一般般，可能係香腸類的食物一向都唔係我嗰杯茶，此外我仲嫌佢的意粉煑得唔夠腍。
意式辣肉腸意粉
6 views
0 likes
0 comments
黑松露雜菇意大利飯
17 views
0 likes
0 comments
Pizza我哋要咗BBQ鷄肉蘑菇，尼度嘅pizza 餅底喺即整嘅，熱辣辣新鮮出爐嘅時候鬆軟，配埋啲鷄同蘑菇一起食的確好唔錯，值得俾個讚👍。
14吋烤雞蘑菇pizza
14 views
0 likes
0 comments
餐飲四杯，我哋各自選擇自己所好。坦白講，因為係敘舊，所以大家嘅注意力都冇乜擺喺食物度上。雖然如此，整體上我哋都覺得啲食物係OK嘅，最緊要係我哋都食得好開心，冇俾人啤住趕我哋走。轉下眼就坐咗成兩個半鐘，約九時半就埋單打道回府去了。
黑森林mocha
6 views
0 likes
0 comments
巨峰提子梳打
8 views
0 likes
0 comments
蜜桃柚子梳打
14 views
0 likes
0 comments
奇異果沙冰
16 views
0 likes
0 comments
Post
