六両三.台灣食堂

Open Now

Now Closed

餐廳樓面都幾大，座位都唔少，坐得夠舒服。Menu嘢食款式都幾多，台式便當、火鍋，甚至牛扒都有。台式牛扒見到呢個台式牛扒好吸引，今次就試吓佢，竟然有驚喜。首先佢肉質好好，同埋都好有牛味。 佢仲會配上墨魚腸仔，沙律菜，同埋珍珠米飯。所以超級滿足。咁嘅價錢真係性價比高。蔬菜養生鍋套餐佢啲火鍋仔都有幾款湯底可以揀，想清清地嘅叫呢個養生鍋都幾好，味道合適。肉類可以有幾款揀，今次要咗呢個澳洲M7和牛後腿肉眼。佢仲配上一盤蔬菜丸類，另外加錢可以揀滷肉飯，嗰啲滷肉都好多，好入味，呢個都好抵食。珍珠奶茶（凍) 珍珠咖啡（凍）跟餐嘢飲可以加錢升級台式特飲。珍珠奶茶味道茶味夠濃，珍珠軟硬適中，而珍珠咖啡又幾有驚喜，出邊比較少見，咁樣飲又幾夾喎。係收銀俾錢嗰度見到佢嘅雪櫃有賣呢款牛肉，又幾靚喎。