Hugo Cafe

Open Now

Now Closed

想同朋友靜靜咁食餐飯，見呢間cafe 裝修都幾靚，有意粉又有牛扒，於是入邊食晚餐餐廳空間好大，而且環境清幽，岩曬聚舊同朋友傾下計。以西式晚餐黎講真係幾抵食，而且選擇好多，有海鮮、牛扒、羊扒、烤春雞等等南瓜湯係dinner set 配埋嘅，好香濃嘅南瓜味，而且入邊仲有打溶咗嘅薯蓉，非常之開胃。套餐配嘅蒜蓉包香味好出！而提子合桃包就好fresh嘢飲呢就揀咗士多啤梨檸檬荼，士多啤梨嘅甜味呢又唔會蓋住檸檬嘅酸味，味道非常之創新，口感非常之新鮮，值得推介好開胃。美國安格斯西冷扒配薯菜（五成熟）一嚟到已經聞到牛肉嘅燒香味非常之濃郁，而且份量十足，兩個人食啊都可以面頭嘅香草啊更加突出咗牛肉嘅鮮味一啖咬落去全部都係濃郁嘅肉汁啊！龍蝦牛油汁海鮮扁意粉，一上到黎已經好驚喜呀！因為成碟意粉都係海鮮啊！食落去簡直係去咗海洋咁。