合興粥麵飯

Open Now

Now Closed

聽柴灣友說呢間車仔麵係個傳奇，開到3，4點賣完就關門，同埋位於工廠區內。今次好奇心區使下就發掘新餐廳 ，環境預左係一般，點知比較差d，黑黑暗暗又濕濕地。最緊要隻眼唔好亂望，好食就得。我第一次食就叫左個公司麵，有魷魚，螺肉，生菜，冬菇，白蘿蔔，斉，魚蛋，雞翼尖和豬血。。麵底就揀左幼麵，見佢左加右加加左好多款汁，咁樣調味應該唔方唔好食喇。我覺得總體係好食既，特別係個斉，脆脆地咸咸地好正。個魚蛋就太粉了。白蘿蔔夠林。螺肉同魷魚一般，比較鍾意宏德車仔都麵既魷魚。受歡迎既原因除了食物好味，相信係老闆的人情味和質素穩定先可以咁受歡迎。