4口

Open Now

Now Closed

位於IFC既4口, 食既係福建閩南菜, 會保持新意推出季節限定菜式, 今期輪到海蟶當造, 今晚食既海蟶粒粒都肥嘟嘟!冰爽酒糟蟶多汁鮮味既蟶子吸收左埋酒香, 清爽感覺好岩夏天食。蟶子米粉湯清淡湯頭襯托出蟶子鮮味, 粒肉真係好肥, 咬落去爆汁咁。另外好中意哩隻米粉既質感, 超幼身但非常爽彈。4口既燉湯都好好飲, 姬松茸竹笙排骨湯清澈唔油膩, 味道清甜, 姬松茸香味突出。沙煲豆醬焗黃魚黃花魚焗得岩岩好, 魚肉係岩岩熟哂個隻嫩滑多汁。閩香炆竽頭竽頭炆到岩岩好唔會一夾就爛, 仲保留口感, 個肉碎醬汁咸香惹味!食完個竽頭鍋都有D溜, 甜品枇杷凍清新又健康, 好解膩~ 仲叫左個椰奶銀耳燉桃膠, 唔係甜蚊蚊個D椰奶, 兩款甜品都好味零負擔。