Video
Read full review
2023-03-15
67 views
餐廳裝修簡潔，除左幾張圓枱，仲有卡位，坐得舒服；枱上面有D小盆栽，好精緻。一坐低，老闆娘就親自問我哋接受辣既程度，佢話呢度既辣度比出面辣兩倍，而麻同辣都可以自己揀，介紹得好清楚。餐牌主打食麻辣，分別有涼拌菜、霸氣辣子系列、重慶水煮系列、津味雞煲系列，仲有D唔辣既特色小炒、家常菜等，選擇頗多。我哋分別叫左3樣野，份量大，好抵食：涼拌粉皮：粉皮滑溜彈牙，配埋切粒蒜頭、蔥花、芽菜，冰涼味道，簡直一流。酸菜魚：酸菜味道鹹酸適中，令胃口大開。鯇魚肉新鮮嫩滑，配料有海帶、蒜頭、芫茜、蔥花、底部仲有好多吸滿汁既芽菜，我哋連湯都飲晒。清炒土豆絲：清爽帶麻油香味、炒得乾身不糊化、刀功好，切得平均。總結，食材新鮮，即叫即整，估唔到喺香港都食到咁正宗既川菜👍
一坐低，老闆娘就親自問我哋接受辣既程度，佢話呢度既辣度比出面辣兩倍，而麻同辣都可以自己揀，介紹得好清楚。
餐牌主打食麻辣，分別有涼拌菜、霸氣辣子系列、重慶水煮系列、津味雞煲系列，仲有D唔辣既特色小炒、家常菜等，選擇頗多。
我哋分別叫左3樣野，份量大，好抵食：
涼拌粉皮：粉皮滑溜彈牙，配埋切粒蒜頭、蔥花、芽菜，冰涼味道，簡直一流。
酸菜魚：酸菜味道鹹酸適中，令胃口大開。鯇魚肉新鮮嫩滑，配料有海帶、蒜頭、芫茜、蔥花、底部仲有好多吸滿汁既芽菜，我哋連湯都飲晒。
清炒土豆絲：清爽帶麻油香味、炒得乾身不糊化、刀功好，切得平均。
總結，食材新鮮，即叫即整，估唔到喺香港都食到咁正宗既川菜👍
Post
