越男仔 (Moved) New Location

炎炎夏日都唔知食咩好……胃口又麻麻，朋友就提議去食越南湯粉。行下行下見到這間「越南仔」，在門外睇到餐牌好似幾多選擇，就ㄧ於入去試下。室內雖然全是 Bar 檯位，但都不算迫。牆上還貼滿美食圖片，啱曬我呢啲鍾意睇圖點嘢食嘅人。睇完一輪我哋決定點湯粉、小食和飲品。第ㄧ碗上檯的招牌椰汁酸湯手撕雞扎肉湯檬 ($69)，份量都幾大，芥辣黃色的湯底好吸引，再嚐ㄧ口，酸度剛好又有淡淡椰香，好醒胃。配上手撕雞和扎肉食好夾，㩚粉吸收了湯汁，更為惹味。另ㄧ碗朋友㸃了招牌椰汁酸湯滑雞湯檬 ($79)，湯底跟我ㄧ樣，但配料就係ㄧ件件滑雞，朋友話雞幾滑唔鞋，好食。最後上檯的越式窩蛋火車頭湯河 ($88)，好大碗又多餸，內𕚃有生牛肉、牛栢葉、牛筋、烤牛肉、牛丸還有隻窩蛋，份量十足，配上濃郁的牛骨湯，真係食到好滿足。小食我地叫了好耐冇食過嘅法式芝士蝦多士 ($59)，ㄧ客有四件，新鮮炸起脆卜卜，多士釀有厚厚的彈牙蝦膠，中間夾有流心芝士，頂部還有香香芝麻，好食到什麼邪惡感覺都唔理啦!飲品叫了三檸七喜 ($32)，外面好少見到有得叫，今次試下都幾好飲，又有檸檬酸味，青檸清香還有咸檸檬的咸味，多種味覺嗅覺交融。另ㄧ杯叫越式