十二味 (搵食市集)

Open Now

Now Closed

好耐無去大圍食野， d 餐廳唔同晒。朋友想食辣野，鄰近大圍火車站有間川菜，即刻入去試試。入到餐廳聞到陣陣既麻辣香味，好吸引咁。我哋點左麻辣香鍋配豬大腸、牛舌、蓮藕腐竹、魷魚。超大碗勁多辣椒，賣相幾好，食落仲好香麻辣味，啱晒我地鍾意重口味嘅人。另外在叫咗招牌水煮牛肉，肉質嫩滑，下面配有芽菜同薯粉，超入味。鍾意食辣嘅朋友一定要試吓。我哋再點左蔥油拌麵同清炒萵筍。蔥油拌麵本身都好香好入味，建議食咗麵先再食主菜，否則麻辣香味會蓋過蔥油味。清炒萵筍都有驚喜，用豬油炒，特別香滑。