元朗合隆潮州粉麵 (德仁街)

Open Now

Now Closed

呢間又係冬天就好鍾意嚟食，佢嘅白胡椒湯底飲完好暖胃好滿足。不過lunch time 嚟食就要排隊，好彩食麵啲人都食得快，通常等10分鐘度就有位啦。今次叫咗黑豚肉餃同埋鮮牛肉，配白胡椒湯底。湯底一如以往，夠香胡椒味又夠辣，飲得出無落味精。夏天飲真係流哂汗🤣呢間配料出名嘅係內臟為主，平時都叫開豬潤、豬肚。但今次就試下其他。鮮牛肉食得出唔係急凍貨，無雪藏味，幾新鮮。黑豚肉餃就無咩特別，但都皮薄，無豬燥味。