滾爺火鍋 (金巴利道)

Open Now

Now Closed

尖沙咀韓國街除咗有好多韓國餐廳之外，居然俾我發現咗一間好味嘅打邊爐！雖然個椰子雞煲勁香，但我最近迷上沙嗲湯底，所以最終叫咗個鴛鴦鍋，有麻辣同埋沙嗲兩款湯底。呢度既食材非常新鮮，我嗌咗手工韭菜餃，鮮蝦滑，嫩鴨血，仲有打邊爐必食嘅肥牛！樣樣都好新鮮，真材實料！麻辣湯底非常香，因為我唔係好食得辣，所以嗌咗微辣，食落麻辣鮮香夠晒味，唔洗點醬都OK。而沙嗲湯底雖然未及九龍城名店咁濃。但都拍得住七八成ga! 入面有唔少豆卜，吸晒湯汁既精華，我仲特登再叫埋生根同響鈴，超級正！當個湯滾到乾少少，開始變濃郁嘅時候，再加個出前一丁落去，配埋幾片肥牛，一碗超濃郁勁好味嘅沙嗲牛麵就誕生咗啦！配埋啤酒呢餐真係大滿足呀！呢度最正係每台隔離都有部大電視，你可以一路睇電視一路打邊爐，聽講仲有波睇，不過我嗰晚就剩係得東張西望，有「新何太」睇🤭。同埋紙巾係用Tempo！呢度啲職員都非常好禮貌，我唔知其他人點睇，但對我嚟講，好嘅服務態度係會令成餐飯都加分👍🏻。