Video
Read full review
2021-11-03
930 views
秋高氣爽，最岩去行山！好似每次行到入赤柱，都係去海旁嘅露天酒吧，食下炸魚薯條飲下啤酒。今次入黎終於唔係食西餐！而係食日式居酒屋！居酒屋主打一系列特色料理，除左最基本嘅串燒、刺身、壽司，仲有和風鰻魚梳乎厘飯、士多啤梨豚肉卷等風味十足、打卡一流嘅菜式。餐廳仲係pet-friendly添架！▪️自家製免治雞肉丸 $58一上枱超香！雞肉丸大大粒，加有粒粒雞軟骨，軟腍帶點嚼勁，口感豐富。雞味比想像中突岀！肉丸本身已調味十足！ 佔上生雞蛋特色醬汁，滑溜惹味~▪️白鱔 $78白鱔外皮燒得超脆！厚肉彈牙！充滿肉汁！唯獨有啲細骨。真心要趁熱食！有一串擺耐左，即刻無咁脆 仲有啲腥添。▪️蔥吞拿魚牛油果他他 $108當吞拿魚遇上牛油果，軟滑清新。面頭有啲惹味嘅碎碎同魚子，仲可以用紫菜包住黎食，為他他增添左一絲鹹香微辣。▪️明太子白飯魚薄餅 $128薄餅餅底超薄脆！餡料豐富，滿佈芝士、爽滑嘅野菌、白飯魚，仲有一大pat明太子，鹹香十足。趁熱食仲有拉絲！▪️Matcha Shaved Ice $58刨冰口感唔似一般嘅綿綿冰，而係充滿冰粒顆粒感。雖然口感唔討好，但抹茶味意外地突岀，屬大眾濃度，奶味又唔會好重，重點係食到最底
居酒屋主打一系列特色料理，除左最基本嘅串燒、刺身、壽司，仲有和風鰻魚梳乎厘飯、士多啤梨豚肉卷等風味十足、打卡一流嘅菜式。餐廳仲係pet-friendly添架！
▪️自家製免治雞肉丸 $58
一上枱超香！雞肉丸大大粒，加有粒粒雞軟骨，軟腍帶點嚼勁，口感豐富。雞味比想像中突岀！肉丸本身已調味十足！ 佔上生雞蛋特色醬汁，滑溜惹味~
▪️白鱔 $78
白鱔外皮燒得超脆！厚肉彈牙！充滿肉汁！唯獨有啲細骨。真心要趁熱食！有一串擺耐左，即刻無咁脆 仲有啲腥添。
▪️蔥吞拿魚牛油果他他 $108
當吞拿魚遇上牛油果，軟滑清新。面頭有啲惹味嘅碎碎同魚子，仲可以用紫菜包住黎食，為他他增添左一絲鹹香微辣。
▪️明太子白飯魚薄餅 $128
薄餅餅底超薄脆！餡料豐富，滿佈芝士、爽滑嘅野菌、白飯魚，仲有一大pat明太子，鹹香十足。趁熱食仲有拉絲！
▪️Matcha Shaved Ice $58
刨冰口感唔似一般嘅綿綿冰，而係充滿冰粒顆粒感。雖然口感唔討好，但抹茶味意外地突岀，屬大眾濃度，奶味又唔會好重，重點係食到最底都唔會淡茂茂無晒味。甜度低，偶有一絲回甘~ 旁邊仲配左柔軟嘅蕨餅同香甜軟綿嘅紅豆。
▪️士多啤梨沙冰 $58
大大杯沙冰~ 溶得比較快，冰感唔會話好重，士多啤梨味一啲都唔假。
Post
