牧羊少年咖啡館 (德福廣場1期)

Open Now

Now Closed

我最鍾意嘅咖啡店九龍灣都有！！！環境超大超鍾意。餐廳有好多款唔同嘅餐牌二人餐的話就會有小食意粉主菜飲品同埋甜品都只係428超級抵仲有得加錢換特別甜品。首先我哋點咗個沙律開下胃原來分量都好大，兩個人竟然有少少食唔晒真係好足料。 希臘沙律入邊會有火箭菜蕃茄仔洋蔥青瓜橄欖仲有我最愛嘅芝士。另外我哋點咗紅酒牛面肉蒜蓉，呢個非常有驚喜因為啲肉質好林，而且醬汁亦都好相配好入味仲有個薯蓉都超正係起晒沙嘅。兩者配合埋一齊簡直係今餐嘅大主角呢個甜品真係超級出色，係抹茶味嘅心太軟！好耐冇食過咁流心份量咁大而且唔會太甜配上雪糕簡直係Perfect match。另外點杯有紅菜頭配料嘅果汁，簡直清新晒。如果唔係晚餐我一定拎本書過嚟睇慢慢食慢慢飲，因為當日都爆滿。