燒魂

Open Now

Now Closed

畢業之後同班舊同學都一段時間冇見，早排大家決定約出黎食個飯，聚下咁。放題緊係不二之選啦。之前見雜誌有介紹，決定同佢地試下新野！去到都見到唔少人等位，可能我地提前左book位，所以都好快已經可以入坐。入到整體環境裝修都唔錯，夠大。一坐低店員已經叫我地第一轉唔洗落魚生住，佢地會準備一碟拼盤比我地先。好快手，轉個頭就送到。雖然款就唔算多，整體刺身都唔錯，比較同類放題都尚算新鮮。咁多款黎講，我比較中意佢既三文魚腩同甜蝦。三文魚腩厚薄適中，食多唔膩。甜蝦好新鮮，夠哂鮮甜！會係首選推介！！至於海膽個d就不過不失啦，唔算腥但唔夠肥美。肉食既種類相對比較多選擇，我個人對肉食既興趣不大，不過都樣樣都叫左少少。但由於撈埋一碟，其實都唔係好分到邊款打邊款。但整體燒出黎都ok入味~總括而言，呢個價位唔會要求好多、食物質素都唔錯，會同朋友再去食！