Verde MAR (Moved) New Location

前幾日weekend同男朋友經過灣仔既大王東街見到係聰嫂甜品對面有間裝飾得好特別既餐廳，我就拉住男朋友埋去睇下餐牌究竟食咩東東...睇睇下先知道原來係墨西哥菜架！我呢d咁孤陋寡聞既人其實淨係知道tacos同埋nachos...一直都唔知原來墨西哥菜有咁多唔同食物架！前菜叫左一個魚刺身， Snapper Ceviche, 擺盤好似一個盛開緊既花花，味道方面有d似泰國生蝦，而且有d辣辣地，係咁鬼死熱既天氣就最正啦，而且d蝦都幾新鮮爽口...由於男朋友唔係好中意食蝦我差唔多自己食曬成個呀哈哈！主菜點左個Birria Beef Stew，侍應解釋話原來d飯、洋葱及香料係需要加入個湯度拌匀黎食架，有d似我地既中式湯飯咁~我好中意個牛肉湯，因爲味道非常濃，有d似香港牛腩飯既腩汁味，而且牛腩肉質好鬆化，食既時候飯完全吸收牛肉濃湯，再放係咁有特色既餐具上面非常有風味，正呀~~