Video
Read full review
2020-08-23
2386 views
久未有出去食，偶爾食返個afternoon tea。港島香格里拉Lobby lounge的afternoon tea不定期會轉換主題，而家係「夏日下午茶」，其實個名好空泛，唔係太聯想到即係有乜嘢。For 2 $558，匯豐信用卡有85折，下午茶分兩個時段，14:00-16:00、16:00-18:00。環境方面唔算好大，但枱與枱之間有充足空間，加上樓底極高，所以一點都唔局促。現場有演奏，如果想靜靜地傾下偈，可以要求坐遠少少。3層下午茶層架由下而上係鹹點、scone同甜點，分量剛剛好，唔會唔飽，又唔會太飽。鹹點不過不失，以三文治居多，係鴨肝凍麵包同烚蝦豌豆泥迷你撻比較好食。我最期待的scone唔會好乾，但香味始終不及以scone馳名的四季酒店，而且提子scone只係得面頭兩粒提子，裡面完全冇嘅。士多啤梨果醬係來貨，唔太甜但香味亦唔夠，clotted cream就唔夠綿滑。甜點方面，賣相都普普通通，但反而有少少驚喜，全部唔會甜到甩牙，多吃都唔會滯，最好食竟然係最旁邊唔起眼的檸檬紅桑子手指餅。餐茶可以選中或西茶，或者咖啡，選擇都唔少，我選的ice caramel latte出奇地幾好飲。觀乎
For 2 $558，匯豐信用卡有85折，下午茶分兩個時段，14:00-16:00、16:00-18:00。
環境方面唔算好大，但枱與枱之間有充足空間，加上樓底極高，所以一點都唔局促。現場有演奏，如果想靜靜地傾下偈，可以要求坐遠少少。
3層下午茶層架由下而上係鹹點、scone同甜點，分量剛剛好，唔會唔飽，又唔會太飽。鹹點不過不失，以三文治居多，係鴨肝凍麵包同烚蝦豌豆泥迷你撻比較好食。我最期待的scone唔會好乾，但香味始終不及以scone馳名的四季酒店，而且提子scone只係得面頭兩粒提子，裡面完全冇嘅。士多啤梨果醬係來貨，唔太甜但香味亦唔夠，clotted cream就唔夠綿滑。甜點方面，賣相都普普通通，但反而有少少驚喜，全部唔會甜到甩牙，多吃都唔會滯，最好食竟然係最旁邊唔起眼的檸檬紅桑子手指餅。
餐茶可以選中或西茶，或者咖啡，選擇都唔少，我選的ice caramel latte出奇地幾好飲。
觀乎當日的14:00場頗滿座，都衷心希望疫情快過，食肆可以恢復平時的模樣。
Post
