Mint & Basil (海堤灣畔)

Open Now

Now Closed

喺大澳行完山，肥仔梗係餓到傻咗。返到東涌見海堤灣畔呢間印泰菜由印仔開，好正宗咁，一於大吃大喝一番！🦑Pla Meuk Yang原隻炭燒魷魚🦑泰式炭燒魷魚爽口彈牙又淋身，勁新鮮，好有咸香。醬汁甜甜地，開胃好吃！🍖Tandoori Salmon唐杜里烤三文魚🍖Tandoori係指使用香料及乳酪令肉染成紅色，再放進饢坑（Tandoor）嘅泥窰內烤製而成。烤三文魚腩油亮亮嘅外表看就今人垂涎三尺，肉質鮮嫩細膩，一啲都唔柴，鐵板熱辣辣超香口，超juicy。🍜冬陰功海鮮麵🍜冬陰功湯極濃郁，酸辣適中，配料好豐富，有齊帶子、魷魚、大蝦等，麵底彈牙，吸晒湯勁惹味！🍝印度炒麵🍝 加入咗蕃茄同辣椒醬，酸酸甜甜咁，用料十足，火候適中，正合我喜愛！雞肉配料好入味，超豐富，有非常好嘅口感。🍹Thai Colada🍹最後嚟杯cocktail。用Rum酒、鳳梨汁、椰奶、可可洛佩茲、椰子蘭姆酒和酸橙汁整成。甜甜地，酸酸地，為呢餐作一個完美嘅句號！總結，呢度環境靚到無得輸，裝修同埋燈光都非常舒適，真係好適合同朋友聚餐或者情侶約會！氣氛輕鬆愉快，絕對係放鬆心情嘅好地方。