大山日本料理

Open Now

Now Closed

今日同小朋友去旺角買文具，書包…….準備返學啦，買完野去搵食。小朋友想食鰻魚飯，ok, 去食日本菜。今次唔係上網搵，台頭周圍望，見到有居酒屋，就試一試。一進入餐廳，好有日本feel，裝修特色，地方寬敞。職員親切有禮，問我哋幾多位，我話兩個，見到我同小朋友，即刻叫我哋坐另一區，話另一邊比較凍，細心，有禮貌。我地叫左極上北海道帶子井，蒲燒鰻魚飯，鹽燒厚切牛舌串，香草燒雞翼。帶子井有三文魚，三文魚子，赤蝦，玉子，帶子，每樣都新鮮好味，帶子好大粒，好鮮味，值得一讚。小朋友食鰻魚飯，佢話個汁好甜，鰻魚好滑溜，仲有蛋絲，連埋啲飯一齊食，特別正。另外牛舌落咗檸檬汁，唔漏，仲爽口彈牙。雞翼有香濃香草味，有啲似BBQ嘅感覺，好香口。一切感覺良好，價錢相宜，日後諗起想食日本菜，會再嚟食。😋Yummy Yummy: 8/10😋