PappaRich Malaysian Delights (Closed)

銅鑼灣呢間馬來西亞菜環境好舒服。沙爹雞肉 ($68)沙爹串燒雞燒得好嫩滑，調上既沙爹汁麻味香濃，夠杰身，夾埋一齊夠惹味。咖哩海鮮喇沙 ($98)喇沙呈吸引既橙紅色，湯底香辣中帶濃郁既椰汁香。配料種類唔少，大蝦肉質爽口，蝦頭仲有鮮甜蝦膏，
其他青口仲有蜆仔好惹味。豆卜炸得香脆，吸哂啲湯汁，好惹味。
仲有炸得勁脆既腐竹，同埋軟林林既茄子。
整體用料好豐富，湯頭惹味，好滿足呢。炸雞脾 + 參峇蝦 + 黃金飯 ($88)超級豐富既黃金飯，擺盤擺成金字塔咁好靚好吸引。
飯炒得乾身，但略嫌乾口，香料味都幾惹味，
炸雞脾超大隻，炸得皮薄又脆口，但肉質超嫩滑，邪惡的滋味。
而參峇蝦醬汁甜甜辣辣咁，肉質又爽口，
其他配料仲有咖哩薯仔，同埋烚蛋。
整體份量好足，水準唔錯，不過價錢略貴。拉茶芝士蛋糕 ($78)除左榴槤之外，仲有特別少見既拉茶芝士蛋糕添。
芝士蛋糕好滑溜，帶濃濃既拉茶味，味道比奶茶味甜少少，但茶味出眾，味道討好。同時芝士味道無被遮蓋，兩者味道夾得唔錯。
面頭仲有啫喱凝膠，減低膩感。
不過忌廉芝士比例高，加上餅底感覺厚重，所以食到尾會有少少滯。榴槤芝士蛋糕 ($78)榴槤加芝士蛋糕，無敵既組合