Still

Open Now

Now Closed

行開紅磡土瓜灣一帶,真係變化好大!好多以前熟悉嘅建築物都唔見咗,變成好多新型屋苑~而呢啲靚靚屋苑隱藏咗唔少靚餐廳,今次就俾呢間有sangria飲嘅餐廳吸引咗!我真係好掛住西班牙,喺哥度真係可以餐餐食paella同飲sangria😂😂呢間嘅西班牙海鮮炒飯並唔係用傳統嘅蜆仔青口一類,除咗大蝦同魷魚,佢用咗我最喜歡嘅三文魚籽!粒粒三文魚籽嘅滿有高湯濃香嘅飯上爆開時,油份同鮮味都非常出~呢個鱈魚西京燒配萵筍沙律係母親大人超級喜愛嘅一道菜,佢一邊食一邊不停講:呢個好食呢個好食🤣本身已經好喜歡西京燒,因為帶有淡淡嘅味噌香氣,但又略帶甜鮮味~而呢個鱈魚比較肥美,而烹調時間亦恰到好處~所以帶點焦香味得嚟,仍然有好重嘅魚油香味,而肉質仲保持得非常嫩滑~呢個西班牙紅酒有甜咁嘅果香,亦有啲香料嘅味道~奉上兩個裝有鮮果嘅小杯,慢慢自斟自飲真係一種享受🥂呢度地方雖然唔大,但係裝修有用心~到處都係木色同埋綠色,整件事令人覺得好舒服,可以好好喺度chill下relax下嘅感覺~如果同幾個朋友嚟,大家點個飲品叫啲輕食,開開心心就可以渡過一個下午了~