Video
Read full review
2022-06-07
3780 views
今晚去荃灣接老公放工，我哋都想食泰菜，之前上網搵到Ann Mamma，俾佢嘅門面同環境吸引。門面係白色牆身同大木摺門，另外勁鍾意門外擺放嘅大型綠色植物🪴🌱，俾人感覺好chill，真係好似去咗泰國咁🇹🇭，好啱打卡。裡面環境簡潔，有兩層，牆上掛有多張植物畫。我哋book咗6:30🕢，去到已經差唔多full house。要去嘅話真係要預先book枱，如果walk-in真係好難等到位，最好打個電話📞問清楚先。我哋叫咗泰式豬頸肉🐖$80、半隻海南雞🐓$108、豆醬炒通菜🥗$86、橘子雜果賓治🍹$58、泰式奶茶🥤$28同椰汁芒果糯米飯🥭🍚$55。1️⃣ 泰式豬頸肉🐖 $80豬頸肉燒得啱啱好，外脆內嫩滑，嫩得嚟有嚼勁。醬汁調味一流，加入多種香料製成，味道有層次，真心想向大廚偷師！2️⃣ 海南雞🐓 $108雖然半隻雞$108有少少🤏🏽貴，不過味道值回票價。雞味新鮮，肉質嫩滑得嚟有咬口，最欣賞係佢已經去咗骨，啱晒懶人，可以大啖大啖肉咁食。點上我最鍾意嘅酸辣汁同甜豉油真係一流，個酸辣汁真係好惹味開胃，大愛❤️。3️⃣ 豆醬炒通菜🥗 $86我老公好腌尖，所有煮熟咗嘅菜都唔鍾意食，唯一食嘅係泰式通菜。哩度嘅通菜佢表示十分滿
我哋book咗6:30🕢，去到已經差唔多full house。要去嘅話真係要預先book枱，如果walk-in真係好難等到位，最好打個電話📞問清楚先。
我哋叫咗泰式豬頸肉🐖$80、半隻海南雞🐓$108、豆醬炒通菜🥗$86、橘子雜果賓治🍹$58、泰式奶茶🥤$28同椰汁芒果糯米飯🥭🍚$55。
1️⃣ 泰式豬頸肉🐖 $80
豬頸肉燒得啱啱好，外脆內嫩滑，嫩得嚟有嚼勁。醬汁調味一流，加入多種香料製成，味道有層次，真心想向大廚偷師！
泰式豬頸肉
$80
68 views
0 likes
0 comments
2️⃣ 海南雞🐓 $108
雖然半隻雞$108有少少🤏🏽貴，不過味道值回票價。雞味新鮮，肉質嫩滑得嚟有咬口，最欣賞係佢已經去咗骨，啱晒懶人，可以大啖大啖肉咁食。點上我最鍾意嘅酸辣汁同甜豉油真係一流，個酸辣汁真係好惹味開胃，大愛❤️。
海南雞
$108
74 views
0 likes
0 comments
3️⃣ 豆醬炒通菜🥗 $86
我老公好腌尖，所有煮熟咗嘅菜都唔鍾意食，唯一食嘅係泰式通菜。哩度嘅通菜佢表示十分滿意，食到停唔到口。醬汁好香帶微辣，我特別鍾意食佢啲黃豆，味道好濃郁，啱晒重口味嘅我。
豆醬炒通菜
$86
64 views
0 likes
0 comments
4️⃣ 橘子雜果賓治🍹 $58
裡面有青檸、橙🍊同西柚，味道清甜、清新、清爽，炎炎夏日飲真係透心涼，如果可以加多少少🤏🏽果肉會更正！
Citrus fruit punch
$58
47 views
0 likes
0 comments
5️⃣ 泰式奶茶🥤 $28
我嘅至愛😍！特別鍾情泰式奶茶，嗰種帶有香料嘅清甜味真係令人愛不釋「口」，奶茶甜度合適，用煉奶沖奶茶真係令味道昇華。
泰式奶茶
$28
68 views
0 likes
0 comments
6️⃣ 椰汁芒果糯米飯🥥🥭🍚 $55
雖然已經好飽，但我哋都覺得要叫返個甜品先叫完整。我哋叫咗最地道最「普通」嘅椰汁芒果糯米飯。嚟到有驚喜，青綠色嘅糯米飯好少見，加上一朵蘭花，真叫人食指大動。芒果超清甜，堅好食！椰汁清香，糯米飯煙靭有嚼勁。這甜品為今晚畫上完美嘅句號。
椰汁芒果糯米飯
$55
48 views
0 likes
0 comments
Post
