Video
Read full review
2018-10-23
140 views
早幾日去左灣仔呢間京菜—北京老家〜無論裝潢同食物都幾高質, 仲有唔少影相打卡位。一入到鋪, 就有個花橋, 旁邊有幾張椅, 擺設幾靚, 可以影下相！仲有放住一大堆「聖旨」, details位都執得好正, 好似入左傳統古代店食飯甘。沿住樓梯直上2樓就係用餐地方。四人枱下面都有Decorations, 放左d小石塊, 而值得一提係呢度的茶幾好飲, 一問之下 , 原來係大麥茶, 入口甘甜, 仲可以有助促進血液循環, 健脾消膩添。第一次食四喜烤麩, 原來烤麩係麵筋的一種, 而四喜係乾香菇、金針乾、鮮筍、木耳。而烤麩綿密的口感, 食落彈性, 帶點甜地同時又帶點鹹, 幾特別。北京填鴨點了半隻, 賣相唔錯, 皮香肉嫩, 大部分都淡淡肉, 價錢唔貴, 而且水準幾高。呢碟午門面青超好味, 係用左淮山、豬頸肉加甜豉油及芝麻而製, 淮山極爽口, 仲好新鮮, 而豬頸肉有嚼勁，加上由於滲透甜豉油, 所以味道甜甜地加濃, 好惹味, 推介推介！胡同牛肉刀削面, 面底唔似出面食d刀削面一塊塊, 呢度係一大條甘, 面較粗身, 但質地好彈牙, 比起一般一塊塊的刀削面口感更好, 而湯底唔鹹仲好濃香。葫蘆香鴨, 上枱時已好香
一入到鋪, 就有個花橋, 旁邊有幾張椅, 擺設幾靚, 可以影下相！
仲有放住一大堆「聖旨」, details位都執得好正, 好似入左傳統古代店食飯甘。沿住樓梯直上2樓就係用餐地方。
四人枱下面都有Decorations, 放左d小石塊, 而值得一提係呢度的茶幾好飲, 一問之下 , 原來係大麥茶, 入口甘甜, 仲可以有助促進血液循環, 健脾消膩添。
第一次食四喜烤麩, 原來烤麩係麵筋的一種, 而四喜係乾香菇、金針乾、鮮筍、木耳。而烤麩綿密的口感, 食落彈性, 帶點甜地同時又帶點鹹, 幾特別。
北京填鴨點了半隻, 賣相唔錯, 皮香肉嫩, 大部分都淡淡肉, 價錢唔貴, 而且水準幾高。
呢碟午門面青超好味, 係用左淮山、豬頸肉加甜豉油及芝麻而製, 淮山極爽口, 仲好新鮮, 而豬頸肉有嚼勁，加上由於滲透甜豉油, 所以味道甜甜地加濃, 好惹味, 推介推介！
胡同牛肉刀削面, 面底唔似出面食d刀削面一塊塊, 呢度係一大條甘, 面較粗身, 但質地好彈牙, 比起一般一塊塊的刀削面口感更好, 而湯底唔鹹仲好濃香。
葫蘆香鴨, 上枱時已好香, 店員亦悉心幫忙剪細, 等我地方便食, 一路剪一路聽到「卡卡」聲, 應該非常脆了。
葫蘆香鴨用一個葫蘆形的碟來裝住, 份量都幾多, 四個人食綽綽有餘。香鴨外皮烤過, 好脆口, 咬入口皮極脆, 而裡面鴿肉就好嫩滑, 可以體驗到外脆內軟！
最後來個傳統熱門甜品—高力豆沙, 唔算好甜, 但入面好似好少豆沙, 咬極都唔太覺, 仲要幾粒都係甘, 建議多反d豆沙會更好食。不過, 整體食物水準都幾高, 每樣賣相美味兼備, 幾值得再去。
Post
