鬼金棒

Open Now

Now Closed

Item: Kikanbo
Rating: 5
Author: kujira12

Kikanbo

4.5

908 Reviews

Taste

Decor

Service

Hygiene

Value

23315

Tsim Sha Tsui

$101-200

Japanese Ramen

765

kujira12

Level4

328

每次經過鬼金棒都覺得佢個門口好吸引，用日本「鬼」👺做主題，門口有一個近2米高既金棒🪄，非常有氣勢，可惜次次經過都見佢排長龍所以一直無緣。咁啱今日7點左右經過竟然冇人，當然要試下啦~D間店主打辣麻味噌拉麵🍜。MENU 有8款拉麵可以揀，其實就係得一味辣麻味噌拉麵，所謂既選擇只係味玉(即溫泉蛋)、叉燒、芽菜、玉米筍嘅份量多少，較特別嘅係佢有芫茜。而湯底仲可以揀各自辣同麻嘅程度。其實我幾Buy 食店賣單一食品，少選擇就係專注，將單一食品發揮得最好。之後上網翻查先知道原來鬼金棒係過江龍，日本已經有十幾年歷史。鬼金棒日語係指"讓鬼持有金棒"，意思即係如虎添翼。名字的由來係店主使用了山椒，其獨特嘅香麻口感，再加上最佳拍檔「辣椒」，就係一碗又麻又辣嘅極品拉麵，非常有意思。1) 特製辣麻味噌拉麵 $120 (+$35 增量叉燒)👍🏻👍🏻👍🏻👍🏻👍🏻因為我地食得辣，所以揀左中麻同中辣。麻同辣係配合得啱啱好，一入口係覺得幾辣，但食落就覺得又唔算好辣，反而椒麻味係幾出。啲種麻+辣嘅味道，同中式果種麻辣係完全唔同 (唔怪得佢叫辣麻唔叫麻辣)，係非常獨特，再配搭濃濃嘅味噌湯底，會有一食上癮嘅感覺。麵條軟硬度適中

Read full review

每次經過鬼金棒都覺得佢個門口好吸引，用日本「鬼」👺做主題，門口有一個近2米高既金棒🪄，非常有氣勢，可惜次次經過都見佢排長龍所以一直無緣。咁啱今日7點左右經過竟然冇人，當然要試下啦~

D間店主打辣麻味噌拉麵🍜。MENU 有8款拉麵可以揀，其實就係得一味辣麻味噌拉麵，所謂既選擇只係味玉(即溫泉蛋)、叉燒、芽菜、玉米筍嘅份量多少，較特別嘅係佢有芫茜。而湯底仲可以揀各自辣同麻嘅程度。其實我幾Buy 食店賣單一食品，少選擇就係專注，將單一食品發揮得最好。

353 views

0 likes

0 comments

之後上網翻查先知道原來鬼金棒係過江龍，日本已經有十幾年歷史。鬼金棒日語係指"讓鬼持有金棒"，意思即係如虎添翼。名字的由來係店主使用了山椒，其獨特嘅香麻口感，再加上最佳拍檔「辣椒」，就係一碗又麻又辣嘅極品拉麵，非常有意思。

1) 特製辣麻味噌拉麵 $120 (+$35 增量叉燒)👍🏻👍🏻👍🏻👍🏻👍🏻
因為我地食得辣，所以揀左中麻同中辣。麻同辣係配合得啱啱好，一入口係覺得幾辣，但食落就覺得又唔算好辣，反而椒麻味係幾出。啲種麻+辣嘅味道，同中式果種麻辣係完全唔同 (唔怪得佢叫辣麻唔叫麻辣)，係非常獨特，再配搭濃濃嘅味噌湯底，會有一食上癮嘅感覺。麵條軟硬度適中，與濃濃嘅湯底混合一起，入口時沾上了湯(能夠做到掛麵嘅效果)，再加上又麻又辣嘅感覺，完全衝擊味蕾極限，果種感覺係獨特，只此一家非常推薦。另外佢舊叉燒又係大大嚿好好肉非常之慷慨，好入味，可能又係屬於上乘之作。