花火和食 (Closed)

完全唔記得上次幾時黎過紅磡，今日有d野係呢度做，就順便食個lunch先。呢一間花火和食係環海東岸商場入面，呢個商場人流少，唔迫人，食都食得舒服d，可以靜靜地食返餐。呢度唔收加一。今日想食好d，所以叫左個料理長味自慢既原條京都風蒲燒鰻魚定食同一份午市和風小食。原條京都風蒲燒鰻魚定食 $168蒲燒鰻魚超大條又厚身，出面買急凍最少都要成$80條。鰻魚整得暖暖地，加左好多鰻魚汁同白芝麻粒，食落啖啖肉，好正，送飯食一流。伴碟仲有d蛋絲同紫菜絲。跟餐有日替炸物，和風前菜及小食。日替炸物係日式芝士魚餅，大大件冇切開，入面芝士流心，外面魚餅彈牙，仲有沙律醬點黎食。小食係兩舊芝士魚蛋，入面芝士香外面魚蛋彈牙。和風前菜係漬物青瓜。跟餐配珍珠飯，真係珍珠米，大大碗，仲加左d飯素係面，鰻魚汁送哂飯都夠味。跟餐配味噌湯，好熱，唔會過咸，有昆布同豆腐粒。午市跟餐有汽水或茶，可加錢升級其他飲品。脆炸魷魚軟骨 $32凈係食過雞軟骨，今次第一次試魷魚軟骨。魷魚軟骨有8舊，有大有細，上面好多椒鹽同蔥花炸蒜，係味道主要既來源。魷魚軟骨幾得意，比起雞軟骨冇咁脆但係大舊d。