方榮記沙嗲牛肉專家

Open Now

Now Closed

一行四人係8月嘅平日晚去食九龍城火鍋老字號，方榮記。雖然我係老街坊，但都係第一次去食，因為長期有人龍我唔想排隊，而且環境都真係唔適合家人吃飯聚會⋯⋯當日叫咗一個沙嗲湯底，一個芫茜皮蛋湯底。沙嗲湯底一流，花生味濃，唔辣，適合港人口味。皮蛋湯底就麻麻，湯應該係清水，皮蛋係一整隻冇切開，呢個湯底可以唔試。火鍋配料叫咗牛肉大份，珊瑚蚌，鯇魚片，冬菇，炸魚皮，蘿蔔，金菇，雞件，豬膶，大光麵等等。推介珊瑚蚌，同沙嗲湯底好夾，又爽口。牛肉好大份，不過好韌，可能要叫最貴嘅牛肉質素先會好，呢個失望。其他料好好好普通，係平價貨啦。碟生菜係一入坐就有，🤔應該計咗錢⋯。待應冇乜服務可言啦⋯⋯態度就係有性格囉。如果喜歡食沙嗲牛肉，可以去試吓呢個火鍋又或者去試吓午餐提供嘅沙嗲牛肉麵。