老馮茶居 (荃灣千色匯II)

鮑汁柚皮鴨腳扎有兩大嚿，腐皮包住鴨腳柚皮同蝦滑，彈牙嘅蝦滑將入晒味嘅鴨腳同清新嘅柚皮黐實，唔會散開，配搭埋鮑汁的味道，有多重的味道，而又配合得好好👍👍蜆介鯪魚球 鯪魚球熱辣辣上枱，香味撲鼻，外層的炸到金黃色，內裏彈牙。蜆介充滿咸香味，鯪魚球點上後增加咗海鮮嘅風味，令人一舊接一舊😋老馮金沙米皇腸 呢個一定要試，有別於一般的腸粉，腸粉皮內包住脆脆嘅皮入面再有蝦肉，口感豐富，一定要趁熱食。蝦醬蒸腩仔飯 蒸飯係即叫即蒸，腩仔大大嚿，鋪滿上飯上面。腩仔用蝦醬醃味，顏色上看似清淡，其實蝦醬味濃郁又不會過鹹，配飯一流，店員亦會幫手淋上豉油，令人一啖接一啖，好快清晒成碗蒸飯。薑汁桂圓紅棗糕紅棗糕超級Q彈，分層咁蒸，係考功夫嘅甜品，充滿薑汁紅棗桂圓味，好啱冬天食🫶🏻茶芥 $6/人呢間點心店想食好耐，裝修好懷舊，仲用公雞碗，好有特色、好啱打卡。之前星期日早上搭上城門水塘的小巴時，都會見到打蛇餅，超受歡迎。今次認真一望原來門口有排隊機，下次用app排定隊就唔使係門口等。