Video
Read full review
2020-11-03
108 views
住在荃灣，久唔久就會到牛県大快朵頤，相比其他石燒牛店，牛県更著重不同部位牛扒嘅分別，而非一味sell和牛。亦因為牛県，小弟都學多咗有關牛肉嘅知識。早排亦有去再食牛県，果次叫嘅係是日special 300g 牛扒。先上沙律，新鮮蕃茄配上柚子醋，酸甜醒胃，亦為一陣嘅牛扒打好底。再來係西蘭花湯，老實說並不出色，湯並未能釋出西蘭花獨有香味，反而加上香草後增強咗其草青苦澀味道。平時嘅西湯並唔會出現依種情況，應該只係當晚失手。其後主角石燒牛登場，一上枱，牛扒油脂香撲鼻而來，食落牛肉味濃郁，而且亦不斷有散發油香。想更有咬口，可以順紋切；如想食腍身牛肉，逆紋切則更理想。我就較愛逆紋切。配上有飯素嘅珍珠米飯，十分匹配。講開又講，每次諗點樣切割牛扒，都算係我食石燒牛時個人嘅小樂趣。😂美中不足嘅係燒耐咗牛扒底部會過熟變硬。同時，牛扒太厚，以致離石板較遠嘅牛肉會有點過生，做成生熟不均嘅情況。不過我諗依個係石燒牛店嘅通病。配上石燒牛，白飯都可以整多兩碗！
早排亦有去再食牛県，果次叫嘅係是日special 300g 牛扒。
先上沙律，新鮮蕃茄配上柚子醋，酸甜醒胃，亦為一陣嘅牛扒打好底。
沙律
4 views
0 likes
0 comments
再來係西蘭花湯，老實說並不出色，湯並未能釋出西蘭花獨有香味，反而加上香草後增強咗其草青苦澀味道。平時嘅西湯並唔會出現依種情況，應該只係當晚失手。
西蘭花湯
5 views
0 likes
0 comments
其後主角石燒牛登場，一上枱，牛扒油脂香撲鼻而來，食落牛肉味濃郁，而且亦不斷有散發油香。想更有咬口，可以順紋切；如想食腍身牛肉，逆紋切則更理想。我就較愛逆紋切。配上有飯素嘅珍珠米飯，十分匹配。
講開又講，每次諗點樣切割牛扒，都算係我食石燒牛時個人嘅小樂趣。😂
牛扒
6 views
0 likes
0 comments
美中不足嘅係燒耐咗牛扒底部會過熟變硬。同時，牛扒太厚，以致離石板較遠嘅牛肉會有點過生，做成生熟不均嘅情況。不過我諗依個係石燒牛店嘅通病。
0 views
0 likes
0 comments
配上石燒牛，白飯都可以整多兩碗！
飯
1 views
0 likes
0 comments
Post
