Video
Read full review
2023-09-10
547 views
唔講唔知荃灣都有高質日式料理。今日近近地就去一試究竟。餐廳係新開嘅Plaza88地面，都幾隱蔽。穿過簡約嘅黑色正門，入面大廳樓底極高，有一個八角形嘅壽司吧，旁邊仲有VIP房，比起其他壽司店裝修非常之唔同。餐牌好簡單除咗一啲餸酒小食之外，只有三個set，「和」、「音」、「弦」。今次就試有18道菜嘅「弦」「弦」由七個部份組成1. 茶碗蒸加入三重縣海苔及南非鮑魚嘅茶碗蒸。第一道菜已經咁有心機。2. 前菜漬物三點，柚子蘿蔔、醋漬小洋蔥、漬老蘿蔔。主要清下個口開下胃。3. 刺身 (5道)- 愛知縣白松貝(象拔蚌)超新鮮，師傅拍佢一下即刻卷起，切片加少少青檸皮同醬油。- 熟成石垣鯛配醋漬水雲爽口嘅石垣鯛經熟成會更淋，配醋漬水雲，比較清爽。- 花咲蟹趕到5-8月花咲蟹季節嘅尾班車，蟹腳上邊用蟹膏調味，純正嘅蟹味。- 明蝦、茄子配高湯啫喱明蝦鮮甜爽口。- 鹿兒島鰤平二食鰤平係雌性嘅鰤魚雜交雄性嘅平政，鰤魚取其油香、平政取其爽口。一件刺身、一件網烤配辣蘿蔔蓉。4. 酒餚 (3道)- 甘露煮琵琶湖香魚立秋之後正係食香魚嘅季節，宜家魚身入面有大量魚春，再用甘露醬油慢煮6小時，令骨頭同魚頭都變淋可食，甜香正如
餐廳係新開嘅Plaza88地面，都幾隱蔽。穿過簡約嘅黑色正門，入面大廳樓底極高，有一個八角形嘅壽司吧，旁邊仲有VIP房，比起其他壽司店裝修非常之唔同。
餐牌好簡單除咗一啲餸酒小食之外，只有三個set，「和」、「音」、「弦」。今次就試有18道菜嘅「弦」
「弦」由七個部份組成
1. 茶碗蒸
加入三重縣海苔及南非鮑魚嘅茶碗蒸。第一道菜已經咁有心機。
2. 前菜
漬物三點，柚子蘿蔔、醋漬小洋蔥、漬老蘿蔔。主要清下個口開下胃。
3. 刺身 (5道)
- 愛知縣白松貝(象拔蚌)
超新鮮，師傅拍佢一下即刻卷起，切片加少少青檸皮同醬油。
- 熟成石垣鯛配醋漬水雲
爽口嘅石垣鯛經熟成會更淋，配醋漬水雲，比較清爽。
- 花咲蟹
趕到5-8月花咲蟹季節嘅尾班車，蟹腳上邊用蟹膏調味，純正嘅蟹味。
- 明蝦、茄子配高湯啫喱
明蝦鮮甜爽口。
- 鹿兒島鰤平二食
鰤平係雌性嘅鰤魚雜交雄性嘅平政，鰤魚取其油香、平政取其爽口。一件刺身、一件網烤配辣蘿蔔蓉。
4. 酒餚 (3道)
- 甘露煮琵琶湖香魚
立秋之後正係食香魚嘅季節，宜家魚身入面有大量魚春，再用甘露醬油慢煮6小時，令骨頭同魚頭都變淋可食，甜香正如餸酒。
- 松茸、銀杏
秋之味嘅松茸、銀杏，秋天必食。
- 稻草煙燻鰆魚(馬鮫)
稻草煙燻又係秋之味，鰆魚半生熟又有燻香，加入芽蔥平衡返。
5. 壽司 (8道)
- 熟成伊佐木
清鮮爽口，舍利空氣感十足。
- 梭子魚配柚子胡椒
少許油香，柚子胡椒再帶嚟清新。
- 牡丹蝦配自煉蝦油
牡丹蝦唔配燒蝦膏，改配自煉蝦油，更加清甜。
- 醬油漬赤身夾紫蘇葉絲
開始濃味，加入紫蘇葉減少濃味。
- 網燒熟成大拖蛇腹
蛇腹多筋，但係熟成之後都好柔軟，網燒逼出油香。
- 二重鮫鰈(右口)夾四季紅
火炙右口魚裙邊用四季紅夾生右口魚身。二重口感。
- 三文魚籽
自家醃製三文魚籽特別甜鮮。
- 北海道柊流海膽
新開箱北海道白海膽，非常之Creamy，最濃味係佢。
6. 吸物
自家製濃魚湯。
每日鮮魚熬製，鮮濃味甜
7. 甜品/生果
貓眼提子&熊本縣赤肉蜜瓜
貓眼係香印同麝香嘅混種，非常之好味，蜜瓜都好甜，叫做甜品都冇問題。
Post
