牛県

Open Now

Now Closed

荃灣西個幾條美食街內有間專食石板燒牛既餐廳🍴近月開始轉涼，食d熱熱地既食物就最好。餐廳專食牛，但有多個部位任君選擇，仲有個牆紙係關於牛既部位圖，等我地可以知多D。極上牛小排🥩橫隔膜腹肉（封門柳）（best seller)200g200g既份量已經係大大舊，我鍾意食橫隔膜腹肉既原因係好juicy。用石板上菜，熱烘烘喳喳聲。食到一半後塊板開始凍後，可以叫侍應幫你換板，咁就成餐飯都唔會怕食物唔熱啦。逐少咁灼到紅肉變色便食得，小心過熟變硬。兩款牛肉質都好嫩滑，帶點肥又有油脂。升級為套餐，自選湯、沙律、薯條🍟/汽水。餐牌好誇張，可以將白飯加錢升級為A5和牛鵝肝飯/三文魚籽飯（配紫菜）。三文魚籽飯有驚喜，將飯卷入紫菜當小卷咁食。