夜燒站

Open Now

Now Closed

收到張傳單話荃灣聯仁街開左一間新開既燒烤店，諗住試試新野。位置不顯眼，需要花小小時間搵，但最後發現絕對值得比懂得欣賞的人發現！🤩上菜亦都算快，點完野食即時會送上前菜，係麻醬青瓜牛柳粒，好開胃！值得推介既係月見免治雞肉軟骨棒，用新鮮雞蛋撈左醬汁蘸雞肉棒，勁特別，勁惹味！🤩而芝士煙肉蕃茄同豚肉雞蛋卷亦一定係必食，少有燒烤店會見到既特色小食。如果食到口渴，一定要試特飲大話七，入面有粒話梅，解渴又清新。啤酒薯條好特別，食食下會有小許啤酒麥味，但唔會太濃，不善飲酒亦都食得，配上明太子沙律醬亦好好味。