Video
Read full review
2024-12-04
0 views
呢日嚟咗喺荃灣嘅韓國餐廳食lunch，呢間餐廳環境好明亮，有好多卡位，坐得都好舒適🤩半半炸雞餐廳有無骨雞同埋炸雞選擇，我哋呢次揀咗有骨嘅炸雞，但係其實啲骨都唔算好多🐥 半半炸雞可以選擇兩個口味，黃金蒜香口味外層有少少甜醬油，個蒜蓉味同炸雞勁夾🧄 蜜味乳酪粉口味，呢個食落口嘅蜜糖味比較重，雞皮薄，炸粉又冇乜，而且入面嘅雞肉好Juicy。另外原來呢份炸雞仲配有炸番薯條，所以真係好飽肚啊🙊醬豬蹄呢個醬豬蹄唔會好肥膩，豬腳嘅肉質實淨，加埋又一層好薄嘅豬皮，就咁食都唔會太膩😙 另外一份本來都配有生菜，包住嚟食更加有韓式風味，仲有兩款醬汁可以配搭🥬 我哋因為想食多啲菜都另外加咗一碟生菜。鮮蝦沙律呢個沙律係一個好色彩繽紛嘅沙律，有齊晒生菜、洋蔥、番茄、粟米同埋腰果🥗 加埋面頭有蘋果片、六隻彈牙嘅鮮蝦同埋雞蛋，整個沙律都好令人滿足。呢度嘅鮮蝦真係好有鮮味，同埋大大隻肉質唔錯🦐八爪魚煎餅食韓國菜唔少得嗌一份韓式煎餅，幾鍾意呢度嘅煎餅整得乾身，真係有外脆內軟嘅感覺。另外入面都係好多八爪魚粒，食落口幾有口感🦑火炙牛呢個小食上碟嘅時候以為可以就咁食，原來火炙嘅意思並唔止喺廚房製作，店員都會即席再幫忙燒香牛肉🐮
半半炸雞
餐廳有無骨雞同埋炸雞選擇，我哋呢次揀咗有骨嘅炸雞，但係其實啲骨都唔算好多🐥 半半炸雞可以選擇兩個口味，黃金蒜香口味外層有少少甜醬油，個蒜蓉味同炸雞勁夾🧄 蜜味乳酪粉口味，呢個食落口嘅蜜糖味比較重，雞皮薄，炸粉又冇乜，而且入面嘅雞肉好Juicy。另外原來呢份炸雞仲配有炸番薯條，所以真係好飽肚啊🙊
醬豬蹄
呢個醬豬蹄唔會好肥膩，豬腳嘅肉質實淨，加埋又一層好薄嘅豬皮，就咁食都唔會太膩😙 另外一份本來都配有生菜，包住嚟食更加有韓式風味，仲有兩款醬汁可以配搭🥬 我哋因為想食多啲菜都另外加咗一碟生菜。
鮮蝦沙律
呢個沙律係一個好色彩繽紛嘅沙律，有齊晒生菜、洋蔥、番茄、粟米同埋腰果🥗 加埋面頭有蘋果片、六隻彈牙嘅鮮蝦同埋雞蛋，整個沙律都好令人滿足。呢度嘅鮮蝦真係好有鮮味，同埋大大隻肉質唔錯🦐
八爪魚煎餅
食韓國菜唔少得嗌一份韓式煎餅，幾鍾意呢度嘅煎餅整得乾身，真係有外脆內軟嘅感覺。另外入面都係好多八爪魚粒，食落口幾有口感🦑
火炙牛
呢個小食上碟嘅時候以為可以就咁食，原來火炙嘅意思並唔止喺廚房製作，店員都會即席再幫忙燒香牛肉🐮 額外再燒過嘅牛肉半生熟，keep住有好多肉汁，而且每片都幾厚身，都推介大家試吓呢個小食🙈
飲品
♦️藍橙荔枝梳打
呢個藍色嘅荔枝梳打，望落好靚呀😗 店員有溫馨提示我哋要攪拌均勻先飲，整個味道都唔會太甜。
♦️零系可樂
另外朋友好鍾意飲可樂，所以我哋嗌咗罐Zero飲吓。
呢度午市時段叫主餐牌會有七折優惠，所以都幾抵食 。呢一餐食咗好多款特色嘢，滿足晒個韓國胃啊🤤
Post
