御滿屋日本料理

Open Now

Now Closed

一講到荃灣如果成幢都係食野嘅，應該第一時間諗起大鴻輝。今次就同個朋友試左間日式放題，都幾抵同多野食。今次就先試四個餐入面最平嘅A餐經典餐。 ✨️刺身✨️刺身種類都繁多，有挪威三文魚、泰味冷鮑魚、油甘魚、劍魚腩、北寄貝、鮑片、八爪魚、希靈魚及赤蝦等。全部都幾鮮甜同大份，選擇豐富。 ✨️壽司✨️壽司種類都多，我同朋友就試左龍蝦膏赤蝦壽司、劍魚腩壽司、馬刀貝壽司、三文魚壽司，全部都頗為鮮甜。最欣賞嘅係佢地嘅創意壽司包括牛油果蟹肉他他、龍蝦三色塔及花之戀，食落都好新鮮。 ✨️燒物✨️試左鹽燒牛舌、雞翼及海蝦。牛舌頗有咬口，亦有小小油脂感，幾爽彈！；雞翼加埋鹽燒食得幾滋味，金黃皮脆；海蝦肉質都幾彈牙，全部上碟時都係熱辣辣。 ✨️經典鐵板✨️紐西蘭西冷牛扒都幾鮮嫩，肉質都幾細膩，有適量油花；蒜蓉燒生蠔咸咸香香，唔會腥，加埋蒜蓉食仲惹味。 ✨️經典料理✨️古法羊腩煲最有驚喜，羊腩唔會好膻而且煮得好入味，仲大大舊肥瘦適中；雪花牛鍋嘅肥牛配埋蛋黃食非常有壽喜燒feel，肥牛牛味濃郁；御品鮑汁燴花膠嘅花膠都好大舊同易入口。 前菜及飲品種類繁多，雪糕亦有北海道牛乳及其他大牌子雪糕俾你揀。另外值得一讚嘅係餐廳姐姐收碟速度非常快，