古今二 (荃新天地)

Open Now

Now Closed

今日去咗荃灣行街街，行到攰攰地就入左去食呢間高汁日本嘢首先就嗌咗一個開胃嘅龍捲風沙律，一般出面食到嘅沙律，沙律醬嘅比例時多時少好難控制得好好。但係古今二嘅龍捲風沙律，沙律醬比例啱啱好，清爽開胃。跟住嗌咗一個自家古今玉子燒，一上枱熱辣辣香噴噴，煎得啱啱好，上面有少少嘅沙律醬，食落甜而不膩，軟軟熟熟，令人一啖又一啖停唔到口。仲有呢個雞軟骨棒，入口相當Juice，再加埋有少少爽脆嘅雞軟骨喺入面，口感爽爽脆脆相當好食。之後就要食吓佢哋嘅壽司啦第一款就係呢一個必食嘅金龍卷壽司，其實就係三文魚吉列蝦飯卷，佢上面嘅三文魚相當之肥美，油脂豐富，配合埋啱啱即炸嘅吉列蝦嘅脆脆卜卜，成件壽司嘅層次好鬼豐富。之後就係"煙花"，睇名嘅時候根本唔知係乜嘢壽司，但係既然佢個名咁好聽就叫咗一碟試吓啦。其實入面就係辣味吞拿魚、辣味三文魚加埋少少嘅脆片。加咗脆片聽落就奇奇怪怪，但食落有兩款魚嘅口感，香辣嘅口味，配合少少香脆嘅脆片，真係稱得上新奇又有趣。下次嚟食都一定要再嗌呢一個，一次過可以食晒三文魚同埋吞拿魚。