御滿屋日本料理

Open Now

Now Closed

話明補足阿妹生日，今次一定要帶佢嚟食好啲啦！一於去荃灣御滿屋放題！今次我地去食A餐放題！ 呢間日式放題餐廳真係非常之高質素㗎！除咗食物種類多之外！$288左右嘅價錢就已經可以食到77種多項食物！仲可以喺兩小時裏面任食真係超抵！當然刺身拼盤呢啲絕對唔可以錯過、仲有好特別嘅劍魚腩刺身、阿根廷赤蝦、鮮滑帶子，赤貝仲有榮螺刺身！當然唔少得三文魚！仲有鮑魚好好食！佢用泰式辣醬嗰種醃製非常入味彈牙！跟住一定唔可以錯過佢哋嘅天婦羅、呢度竟然有粟米天婦羅同埋秋葵天婦羅兩款都好特別！炸物我自己就好鍾意食榴槤炸彈、同埋椰汁芝士丸、章魚丸都好好食！當然仲有我最鍾意嘅海膽手卷、可以無限encore真係食到完全回晒本！仲有有冷盤小食，包括花椒魚皮、八爪魚、同埋青口海鮮、左口魚壽司真係入口即溶真係好正！呢度嘅炒蜆同埋牛柳粒都係好好食！仲有湯煮蜆都一樣係咁正！呢度嘅鰻魚亦都係好正好滑！仲有焗嘅生蠔好香蒜蓉味！蟹肉翅同花膠都係唔可以錯過！仲有燒菠蘿同埋牛舌都係非常入味！菠蘿係甜嘅唔係好酸嘅感覺而入口！燒大蝦，亦都係非常好食肉質鮮嫩！最後當然就係甜品區絕對唔可以錯過北海道牛乳雪糕！除咗係任食之外，佢嘅配料亦都係好正好多