銀座炎蔵燒肉

Open Now

Now Closed

🍽️銀座炎藏燒肉自從離開荔枝角區工作之後 已經好耐冇機會喺呢區覓食 之前有舊同事推介咗一間位於 D2 Place 嘅燒肉店 心思思就約埋屋企人喺一個星期六嘅晏晝去試下 一入到餐廳就感受到簡單嘅和風裝修 好有日本風情 座位間隔唔錯 唔會覺得擠迫 坐得好舒服店員服務態度非常好 隨時幫你加水同時都會主動幫你收拾枱面嘅碗碟 呢一點幾加分 令整個用餐體驗更加愉快😊嚴選黑毛和牛定食🐮🍱 ($248)呢個定食包括和牛上等肋肉 和牛肋肉同臀肉蓋 每一種肉都好有水準 和牛上等肋肉肉質真係好嫩滑 油脂分佈得恰到好處 燒完之後咬落去肉汁爆晒出黎 和牛肋肉同樣出色 肉質彈牙 味道濃郁 臀肉蓋則帶有淡淡嘅甜味 配埋米飯 完美😍和牛霜赤燒肉定食🐮🍱 ($188)呢款定食就係食和牛羽下同貝身 兩種肉質都好滑嫩 特別係羽下 入口即融 幾驚喜 貝身嘅鮮味亦唔輸蝕 燒完後好香 真係食到唔想停另外我哋仲加咗牛舌 ($48) 同雞腿肉 ($48) 牛舌👅好薄 咬下去口感非常好 雞腿肉🦵🏻就更加多汁 味道超級美味 兩者都唔可以錯過💯評分：3.5/5📍地址 : 荔枝角長義街9號D2 Place ONE 3樓302號舖.⠀⁣⁣.⠀⁣