Video
Read full review
2011-05-23
11 views
都係因為個蒸籠而吸引入去, 入到去已經見到無乜客人, 而且裝修似快餐店, 嗰刻真係好有衝動閃人, 但由於實在太肚餓嘅關係唯有博一舖啦....燒牛舌 - 好味wor, 生熟度適中, 加左少少黑椒能帶出牛舌香味, 可惜唔夠熱....鹽燒雞翼 - 呢個就夠熱喇, 外皮燒得又薄又脆, 而且好乾身一d都唔油膩...燒牛仔骨 - 牛仔骨燒得剛剛好, 仲有少少粉紅色, 係牛肉嘅最佳熟度, 所以入口好嫩好多汁..韓式鐵板燒 (墨魚, 蝦, 帶子) 配燒汁 - 有個迷你鐵板燒 , 下面有火熱住上, 自己落手落腳燒, 好玩又的骰...而且海鮮樣樣都好新鮮, 加埋特製嘅燒汁, 呢個真係好好味, 如果再黎幫襯會係因為佢囉....豚肉蝦蒸籠 - 係呢間餐廳嘅特色蒸籠菜, 可惜卻係最唔掂而且搵笨.... $98嘅蒸籠, 唔好味之餘, 蝦只得一隻係開邊嘅, 豚肉只有四片, 之後全部都只係椰菜, 我個人認為如果椰菜改為白飯去蒸會好味好多, 加一堆椰菜根本一d 都唔match, 淡而無味....
嗰刻真係好有衝動閃人, 但由於實在太肚餓嘅關係唯有博一舖啦....
燒牛舌 - 好味wor, 生熟度適中, 加左少少黑椒能帶出牛舌香味, 可惜唔夠熱....
鹽燒雞翼 - 呢個就夠熱喇, 外皮燒得又薄又脆, 而且好乾身一d都唔油膩...
燒牛仔骨 - 牛仔骨燒得剛剛好, 仲有少少粉紅色, 係牛肉嘅最佳熟度, 所以入口好嫩好多汁..
韓式鐵板燒 (墨魚, 蝦, 帶子) 配燒汁 - 有個迷你鐵板燒 , 下面有火熱住上, 自己落手落腳燒, 好玩又的骰...
而且海鮮樣樣都好新鮮, 加埋特製嘅燒汁, 呢個真係好好味, 如果再黎幫襯會係因為佢囉....
豚肉蝦蒸籠 - 係呢間餐廳嘅特色蒸籠菜, 可惜卻係最唔掂而且搵笨....
$98嘅蒸籠, 唔好味之餘, 蝦只得一隻係開邊嘅, 豚肉只有四片, 之後全部都只係椰菜,
我個人認為如果椰菜改為白飯去蒸會好味好多, 加一堆椰菜根本一d 都唔match, 淡而無味....
不過跟嗰2款汁都唔差 (泡菜, 洋蔥汁) 稍為令個蒸籠有返少少味道...
叫蒸籠加 $12, 有白飯同麵豉湯, 白飯係珍珠米當然好食啦, 麵豉湯都ok, 不過自己一向麻好
麵豉湯....另外再加$15有三文魚刺身 (3片) , 唔太新鮮, 係$15嘅質素....
本人認為佢個主打蒸籠菜要加以改良, 因為確係唔好食...其他既串燒同埋菜式其實都做得不錯....
相信佢無乜客人嘅原因都係被蒸籠拖累, 加上裝修確係老土, 如果想有返多d客真係要立刻改善喇,
眼見apm其他食肆其實都有好多人等位, 如果要客似雲來嘅話, 就真係要諗諗佢喇
Post
