Video
Read full review
2024-08-20
146 views
坊間好多fusion菜，將某種味道同埋煮嘅方法呈現喺某種菜式既presentation之上。做得好嘅時候系相當唔錯， 做得唔好嘅時候，就係多嚿魚。如果系咁，倒不如就係繼續以菜式嘅原型，體現最好嘅味道。 西營盤本來就係一個好獨特嘅地方，而佢同小店似乎劃上左等號。呢間鋪頭入邊的的骰骰，但又不乏優雅。佢哋個名叫做lyke tea,即係like tea咁解，當然飲品就會系台式手搖飲品。 🍖叫咗兩杯飲品，一杯係朱古力珍珠奶茶，阿薩姆茶味同朱古力味，配搭得好好，有啲飲鴛鴦嘅感覺。珍珠煮嘅時間好足，所以好Q彈，而且大大杯成20安士，最啱熱辣辣行入嚟，即刻進行降溫急救。另一杯系奶蓋加oreo泰式珍珠奶茶，其實與其話系奶蓋，佢用嘅名系cream cheese，因為佢係將成個奶蓋同埋oreo，仲有茶，放埋一齊然後搖匀，所以味道特別濃郁。 🍖講到呢度都系台式，但係其實食物全部都係西式。我哋叫咗一個solo dinner。有雞翼，意粉同埋甜品，其中亦都已經包括咗一杯飲品。價錢非常合理。意粉我哋揀咗忌廉三文魚，全部都好惹味，而記住，一定會將佢放係面嘅檸檬汁唧埋一齊食，成件事變得更加清新。 🍖我哋另外點咗pizz
西營盤本來就係一個好獨特嘅地方，而佢同小店似乎劃上左等號。呢間鋪頭入邊的的骰骰，但又不乏優雅。佢哋個名叫做lyke tea,即係like tea咁解，當然飲品就會系台式手搖飲品。
🍖叫咗兩杯飲品，一杯係朱古力珍珠奶茶，阿薩姆茶味同朱古力味，配搭得好好，有啲飲鴛鴦嘅感覺。珍珠煮嘅時間好足，所以好Q彈，而且大大杯成20安士，最啱熱辣辣行入嚟，即刻進行降溫急救。另一杯系奶蓋加oreo泰式珍珠奶茶，其實與其話系奶蓋，佢用嘅名系cream cheese，因為佢係將成個奶蓋同埋oreo，仲有茶，放埋一齊然後搖匀，所以味道特別濃郁。
🍖講到呢度都系台式，但係其實食物全部都係西式。我哋叫咗一個solo dinner。有雞翼，意粉同埋甜品，其中亦都已經包括咗一杯飲品。價錢非常合理。意粉我哋揀咗忌廉三文魚，全部都好惹味，而記住，一定會將佢放係面嘅檸檬汁唧埋一齊食，成件事變得更加清新。
🍖我哋另外點咗pizza，係pepperoni，芝士加埋辣肉腸，有拉絲感覺，而且充滿鹹香。我最欣賞佢係薄底pizza，傳統得嚟又夠脆口，唔會俾餅皮或者材料dominate咗個味道。
小店坐得舒服，食物crossover得嚟又忠於原作，值得推介！
Post
